Pages

Monday, January 18, 2010

തിരുവാതിര പുഴുക്ക്


തിരുവാതിര പുഴുങ്ങുന്നത് എങ്ങിനെയെന്ന് നോക്കാം. ചില പ്രദേശങ്ങളില്‍ ഉരുളന്‍ കിഴങ്ങും കപ്പയുംഒന്നും പുഴുക്കിന്റെ കൂടെ ഉപയോഗിക്കാറില്ല. എന്നാല്‍ ചില പ്രദേശങ്ങളില്‍ ഇവ രണ്ടും ഉപയോഗിക്കും. നടുകള്‍ക്കനുസരിച്ചു പുഴുക്കിനും വത്യാസം ഉണ്ടാകുന്നു.

പുഴുക്കിന് ആവശ്യമായ സാധങ്ങള്‍
ചേന - ഒരു ചെറിയ കഷ്ണം
ചേമ്പ്- രണ്ട് എണ്ണം
കാച്ചില്‍ - ഒരു ചെറുത്
മധുരകിഴങ്ങ്‌ - ഒരെണ്ണം
ഏത്തക്ക - രണ്ടു എണ്ണം
നനകിഴങ്ങ്- നാലെണ്ണം
ചെറുകിഴങ്ങ്- നാലെണ്ണം
കൂര്‍ക്ക - ഒരു പിടി
വന്‍പയര്‍- ഒരു കപ്പ്‌
പച്ചമുളക്- എട്ട് എണ്ണം
ചെറിയ ഉള്ളി- എട്ട് എണ്ണം
ജീരകം- ഒരു നുള്ള്
തേങ്ങ- ഒരു തേങ്ങ ചുരണ്ടിയത്
മഞ്ഞള്‍പ്പൊടി- കാല്‍ സ്പൂണ്‍
വെള്ളം -ആവശ്യത്തിനു
ഉപ്പ്‌-ആവശ്യത്തിനു
വെളിച്ചെണ്ണ-
കറിവേപ്പില
പാകം ചെയുന്നവിധം
വന്‍പയര്‍ വേവിച്ചെടുക്കുക.
കിഴങ്ങുകള്‍ എല്ലാം ചെറിയ കഷ്ണങ്ങള്‍ ആക്കി മുറിക്കുക. ഇത് കഴുകി കഷണങ്ങളുടെ പകുതി നികവില്‍വെള്ളം ഒഴിച്ചു വേവിക്കുക. അല്പം ഉപ്പും ചേര്‍ക്കുക.
തേങ്ങ , ഉള്ളി, പച്ചമുളക്, ജീഎരകം,മഞ്ഞള്‍പ്പൊടി എന്നിവ അരച്ചെടുക്കുക. കഷ്ണങ്ങള്‍ വെന്തു വരുമ്പോള്‍വെള്ളം ഊറ്റി കളഞ്ഞു വേവിച്ചു വെച്ചിരിക്കുന്ന പയറും അരപ്പും ചേര്‍ത്ത് നല്ലവണ്ണം ഇളക്കി യോജിപ്പിക്കുക. തീകുറച്ച് വെച്ച് കറിവേപ്പില ചേര്‍ത്ത് വാങ്ങിവെക്കുക. വെളിച്ചെണ്ണയും കൂടെ ചേര്‍ത്ത് അടച്ചു വെക്കുക. തിരുവതിരപുഴുക്ക് തയാര്‍.

Sunday, January 10, 2010

തക്കാളി പച്ച കറി

ളുപ്പത്തില്‍ ഉണ്ടാക്കാന്‍ പറ്റുന്ന ഒരു കറി എന്നാണ് ഞാന്‍ ഇതിനെ കരുതിയിരുന്നത്. ഇതിന്റെ പ്രത്യേകതഇതില്‍ മഞ്ഞള്‍പ്പൊടി ചേര്‍ക്കില്ല എന്നതും ആണ്. എനിക്ക് വേണ്ടപ്പെട്ട ഒരാളുടെ സ്പെഷ്യല്‍ കറി ആണിത്...
അതുണ്ടാക്കുന്ന വിധം
തക്കാളി- മൂന്നെണ്ണം
മുരിങ്ങക്ക- മുറിച്ചത് ആറു കഷ്ണം ( ഞാന്‍ frozen മുരിങ്ങക്ക ആണ് ഉപയോഗിക്കാറ് )
മുളക് പോടീ- ഒരു സ്പൂണ്‍
മല്ലിപ്പൊടി- കാല്‍ സ്പൂണ്‍
തേങ്ങ - കാല്‍ കപ്പ്‌

തേങ്ങയും പൊടികളും കൂടെ നല്ലപോലെ അരച്ചെടുക്കണം.
തക്കാളിയും മുരിങ്ങക്കായും കൂടെ അല്പം വെള്ളം ഒഴിച്ച് വേവിക്കുക. മുരിങ്ങക്ക കഷ്ണങ്ങള്‍ വെന്തുവരുമ്പോള്‍ ഉപ്പു ചേര്‍ക്കുക. തുടര്‍ന്ന് അരപ്പും ചേര്‍ത്ത് ഒന്ന് ചെറുതീയില്‍ ചൂടാക്കുക. തുടര്‍ന്ന് വാങ്ങിവെച്ചുഎണ്ണയും കറിവേപ്പിലയും ഇടുക.