പാവയ്ക്ക കറി

മുഖത്തും വായിലും ഒരുപോലെ കയ്പ്പ് വരുന്ന ഒരു പച്ചക്കറി ആണ് പാവയ്ക്കാ. എന്നാല്‍ ഇതു വളരെഇസ്ടമുല്ലാവരും ഉണ്ട് നമ്മുടെ നാട്ടില്‍. പ്രമേഹം ഉള്ളവര്‍ക്ക് പാവയ്ക്കാ നീര് കുടിക്കുന്നത് നല്ലതാണു എന്ന്ചിലര്‍ പറയുന്നത് കേട്ടിട്ടുണ്ട്. അതില്‍ എത്രത്തോളം സത്യം ഉണ്ട് എന്നത് എനിക്കറിയില്ല. എന്തായാലും. നമ്മുടെനാട്ടില്‍ ഭൂരിഭാഗം ആള്‍ക്കാരും കഴിവതും ഒഴിവാക്കുന്ന ഒരു കാരിയാണ് പാവയ്ക്കാ കൊണ്ടുള്ള വിഭവങ്ങള്‍.

പാവയ്ക്കാ തോരനും, മെഴുക്കുപുരട്ടി( ഉപ്പേരിയും ) തീയലും ആണ് സാധാരണ ഉണ്ടാക്കാറുള്ള വിഭവങ്ങള്‍. അതില്‍നിന്നും വത്യസ്തമായി ഞാന്‍ ഉണ്ടാക്കുന്നത് പാവയ്ക്കാ കൊണ്ടുള്ള ഒരു കറി ആണ്.

ആവശ്യമുള്ള സാധങ്ങള്‍

പാവയ്ക്കാ- രണ്ട് എണ്ണം
സവാള- ഒരെണ്ണം
ഇഞ്ചി-ഒരു ചെറിയ കഷ്ണം
വെളുത്തുള്ളി- ആറെണ്ണം
തേങ്ങ -അര കപ്പ്‌
മുളക് പൊടി- രണ്ടു സ്പൂണ്‍
മഞ്ഞള്‍പ്പൊടി - കാല്‍ സ്പൂണ്‍
ഉപ്പ്- ആവശ്യത്തിനു
വെള്ളം
കറിവേപ്പില -
എണ്ണ -വറുക്കാന്‍ ആവശ്യത്തിന്
പാചക രീതി

പാവയ്ക്കാ വട്ടത്തില്‍ അരിഞ്ഞു ഉപ്പും മഞ്ഞള്‍പ്പൊടിയും വെള്ളവും ചേര്ത്തു വേവിക്കുക.
നല്ല പോലെ വെന്തുകഴിഞ്ഞാല്‍ അടുപ്പില്‍ നിന്നും മാറ്റിവെച്ചു ബാക്കിയുള്ള വെള്ളം ഊറ്റി കളയുക.
വെന്ത കഴ്നഗളിലെ വെള്ളം പിഴിഞ്ഞു കളഞ്ഞു നല്ലപോലെ തോര്‍ത്തി എടുക്കക.
ഒരു പാനില്‍ എണ്ണ ഒഴിച്ചു അതിലേക്കു വെള്ളം തോര്‍ത്തി വെച്ചിരിക്കുന്ന പാവയ്ക്കാ ഇട്ടു നല്ലപോലെവറുക്കുക.
വേറെ ഒരു പാനില്‍ അല്പം എണ്ണ ഒഴിച്ചു കടുക് പൊട്ടിക്കുക.
അതിലേക്കു സവാള അറിഞ്ഞതും കറിവേപ്പിലയും ഇട്ടു വഴറ്റുക.
വഴന്നു വരുമ്പോള്‍ ഇഞ്ചി യും വെളുത്തുള്ളി ചതച്ചതും ചേര്‍ത്ത ഇളക്കുക.
രണ്ടു മൊന്നു മിനിട്ടിനു ശേഷം തേങ്ങ അരച്ചതും, മുളകുപൊടിയും അല്പം വെള്ളവും ചേര്‍ത്ത ഇളക്കുക .
ഇതു തിളച്ചു വരുമ്പോള്‍ വറുത്തു വെച്ചിരിക്കുന്ന പാവയ്ക്കാ യും ചേര്‍ത്ത ഒന്നുടെ ചെറുതീയില്‍ ചൂടാക്കുക.