കുറുക്കു കാളന്‍

വേണ്ടസാധനങ്ങള്‍
നേന്ത്രക്കായ -ഒരു വലുത്
ചേന--100 ഗ്രാം
മഞ്ഞള്‍പ്പൊടി- അര ടീസ്പൂണ്‍
കുരുമുളകുപൊടി - 1 ടീസ്പൂണ്‍
ഉപ്പ്- പാകത്തിന്
തൈര്‍ - 1 ലിറ്റര്‍
തേങ്ങ ചിരകിയത്- ഒരു തേങ്ങ
പച്ചമുളക് - 8
കടുക് -1 ടീസ്പൂണ്‍
വെളിച്ചെണ്ണ - 2 ടീസ്പൂണ്‍
വറ്റല്‍മുളക്- 4
കറിവേപ്പില - 2 തണ്ട്
ഉലുവ- ഒരു ടീസ്പൂണ്‍
പാകം ചെയ്യുന്ന വിധം

ചേനയും കായും വലിയ കഷ്ണങ്ങളാക്കി മഞ്ഞള്‍പ്പൊടിയും കുരുമുളകു പൊടിയും ചേര്‍ത്ത് വേവിക്കുക. വറ്റിവരുമ്പോള്‍ ഉപ്പും തൈരും ചേര്‍ക്കുക. തൈര്‍ നല്ല പോലെ വറ്റുമ്പോള്‍ തേങ്ങയും പച്ചമുളകും കൂടി നല്ലതു പോലെ അരച്ച് കറിയില്‍ ചേറ്ക്കുക.വെളിച്ചെണ്ണയില്‍ കടുക്, വറ്റല്‍മുളക് കറിവേപ്പില എന്നിവ വറുത്ത് ചേര്‍ക്കുക.. ഉലുവ വറുത്തു പൊടിച്ച് കറിയില്‍ ചേറ്ക്കുക.