കടച്ചക്ക (ശീമ ചക്ക ) തോരന്‍ Bread Fruit Thoran

ആവശ്യമുള്ള സാധനങ്ങള്‍

കടച്ചക്ക ചെറിയ കഷണങ്ങള്‍ ആക്കിയത്‌
സവാള - ഒരെണ്ണം
തേങ്ങ കൊത്ത്-
തേങ്ങ ചിരവിയത്‌- ഒരെണ്ണം
മുളകുപൊടി- ഒരു സ്പൂണ്‍
മല്ലിപ്പൊടി-രണ്ടു സ്പൂണ്‍
ഗരം മസാല- ഒരു സ്പൂണ്‍
പെരുംജീരകം- കാല്‍ സ്പൂണ്‍
ചെറിയ ഉള്ളി- അഞ്ച് എണ്ണം
മഞ്ഞള്‍ പ്പൊടി -കാല്‍ സ്പൂണ്‍
എണ്ണ, ഉപ്പ്‌, വെള്ളം, കറിവേപ്പില ആവശ്യത്തിന്..

തയ്യാറാക്കുന്ന വിധം

ഒരു ചീന ചട്ടിയില്‍ ഒരു സ്പൂണ്‍ എണ്ണ ഒഴിച്ച് തേങ്ങ ചിരവിയതും കുഞ്ഞുള്ളിയും കൂടെ വറക്കുക. പകുതി മൂത്ത് കഴിയുമ്പോള്‍ മഞ്ഞള്‍പ്പൊടി, മുളകുപൊടി, മല്ലിപ്പൊടി ഇട്ടു വറുത്തെടുക്കുക. ഈ മിശ്രിതം തണുത്തു കഴിയുമ്പോള്‍ പെരുംജീരകവും ഗരംമസലയും കൂടെ ചേര്‍ത്ത് വറുത്ത തേങ്ങ ചതച്ച് എടുക്കുക. കടച്ചക്ക കഷ്ണങളും സവാളയും തേങ്ങ കൊത്തും ആവശ്യത്തിനു വെള്ളം ചേര്‍ത്ത്‌ അടുപ്പത്ത് അടച്ചു വെച്ച് വേവിച്ചെടുക്കുക. പാതി വേവാകുമ്പോള്‍ ഉപ്പും ചേര്‍ക്കുക. വെള്ളം വറ്റി വരുമ്പോള്‍ അരപ്പ് ചേര്‍ത്ത്‌ കുഴഞ്ഞു പോകാതെ ഇളക്കി എടുക്കുക. ഒരു ചീനച്ചട്ടിയില്‍ എണ്ണ ഒഴിച്ചു കാടുകുപോട്ടുമ്പോള്‍ കടച്ചക്ക വേവിച്ചത് ഇതിലെക്കിട്ടു ഇളക്കി തോര്‍ത്തി എടുക്കുക.